हालात
Bachpan mein yeh shabd na kabhi kaha na kabhi suna tha Iss shabd ko bas ittefaq ne humare liye chuna tha Ab toh har galti, har haar ki bas ek hi baat hai Sabka ek hi naam - woh ek haalat hai Haalat aise, jo hum kabhi badal na sake, par jisne humein badal diya Haalat aise, jisne humein harake bhi, humein safal kiya Jo chaaha tha woh toh hum yahaan kabhi paa na sake Jo paaya hai usi ko hum chaahna seekhe Nafrat karte hai hum in ajeeb haalat se Jo chaha tha din mein, mila woh humein raat mein Aur jo chaha raat ko, woh bas khwaab samajh kar ro diye Bandh aankhon mein inn aansuon ko chupa kar so diye Lekin uth ke bhi hara na sake, yeh aisi museebat hai Kyun ki ab toh yeh haalat hi humaari haqeeqat hai